بۆ ئێکەم جار قوتابیەکی زانکۆیا زاخۆ ل پرۆگرامەکێ سەرکردایەتیێ ل ویلایەتێن ئێکگرتی یێن ئەمریکی دهێتە وەرگرتن
بەرێز ( ڤیان حمد حسێن) قوتابی ل قۆناغا سیێ پشکا ئەندازیاریا میکانیک ل کۆلیژا ئەندازیاری/ زانکۆیا زاخۆ، ئەڤە  زۆ دەمێ چەند ساڵایە قوتابیێ ناڤبری کارێ خۆبەخشیێ ئەنجام ددەت و پشکداری د چەندین خۆل و پرۆگراماندا کرییە ل سەر ئاستێ هەرێما کوردستانێ و عێراقێ و وەلاتێ ئوردن، بەلێ ژ ئەنجامێ هەول و بزاڤێن وی یێن بەردەوام شیا پشکدار ببیت د ئەوی پڕوگرامێ ژلایێ کۆنسلخانا ئەمریکی ل عێراقێ و رێکخراوا (World Learning)یا ناڤدەولەتیڤە هاتیە ڕێکخستن و برێڤەبرن.
قوتابی قەستا وەلاتێن ئێکگرتی یێن ئەمریکی کر و د ئەوی پرۆگرامیدا شیا چەندین شارەزای و زانیاریا دەربارەی سەرکردایەتیێ و هونەرێ ژیانێ و دانوستاندنێ لدەف خۆ پێشبێخیت، ژ لایەکی دیڤە قوتابیێ ناڤبری شیا فێری ڕەوشەنبیری و کەلتورێ گەلێ ولاتێ ئەمریکی ببیت و هەروەسان کەلتورێ کوردی ب گەلێ ئەمریک بدەتە ناسکرن.

هەروەهان د بەشەکێ دیدا قوتابی (ڤیان) بەحس ل شیان و ئاستێ زانستی یێن هەمی قوتابیێن بەشێن زانکۆیا زاخۆ کر دگەل بەشداربوویێن پرۆگرام و قوتابیێن جودا جودا ل زانکۆیێن ئەمریکی، ئەڤ چەندە ژی بوو جهێ دلخوشیا بەشداربوویان و قوتابیان.
ئەم ب ناڤێ سەرۆکاتیا زانکۆیا زاخۆ، دەستخۆشیێ ل قوتابیێ خۆ دکەین و داخوازا سەرکەفتنێ و پلێن بلندتر بۆ دخازین.